د نړۍ په ډېرو برخو کې د مني موسم کې د پاڼو شین رنګ سور، نارنجي، ارغواني او زېړ ته بدلیږي. دلته پوښتنه داده چې پاڼې ولې شنې وي، ولې نور رنګونه اخلي او ولې رژیږي ؟ پاڼې ځکه شنې دي چې شین رنګ یا رنګدانه (green pigment) لري کوم چې د کلوروفیل (chlorophyll) په نامه یادیږي. کلوروفیل لمریزه انرژۍ په کیمیاوي انرژۍ بدلولو کې کلیدي رول لوبوي. په ګرمو سیمو کې د سوړ ژمي پر مهال هغه ونې پاڼې غورزوي چې پاڼې یې پراخه او اوږدې وي او په دې سره ونې یا بوټي له ټپ اخیستلو ژغوري ونې یا بوټي انرژي ځان کې ساتلای شي. د پاڼو د رژېدو لامل یې لڼدې بې لمره او بې وړانګو ورځې او په اوږدو شپو کې ساړه دي. په انګرېزۍ کې پاڼو رژېدو ته (leaf abscission) وایي او یوه مسلکي اصطلاح ده. کله چې د بوټو یا ونو پاڼو کې کلوروفیل په کمېدو شي نو پاڼې رژېدل پېل شي. په پاڼو کې د شنې رنګدانې ځای زېړه، سره او نارنجي رنګدانه نیسي چې د کاروتېنوید (carotenoid) په نامه یادیږي، د ځینو ډولونو په پاڼو کې سور او ارغواني رنګدانه ځای نیسي چې د انتو سیانین (anthocyanin) په نامه یادیږي مګر د ځینو بوټو په پاڼو کې د شنې رنګدانې ځای دواړه ډولونه نیسي چې یوه پاڼه د رنګ بدلولو پر وخت څو رنګه لري. د پاڼو رژېدو وروسته بوټی د ژمي ارام کوي.