دننګرهار ولایت د جلا اباد ښار دنازو انا دنجونو لیسې نوې ودانۍ له جوړېدو وروسته ګټې اخیستنې ته وسپارل شوه.
د ښوونځي نوې ودانۍ۱۶ درسي ټولګي، ۸ اداري خونې، د اوبو څښلو څاه، د زده کوونکو لپاره مېز او څوکۍ او نورې اړینې اسانتیاوې لري، چېد یو کال په موده کې جوړه شوې ده.
په نوې ودانۍ ۲۲۶ زره ډالره لګښت راغلی، چېد فرانسې هیواد د افرن موسسې لخوا ورکړل شوي دي. پر دې سربېره ددې موسسې له لوري له یاد ښوونځي سره د ۱۸ پایې کمپیوټرونو مرسته هم شوې ده.
د نازو اناپه ښوونځي کې دا مهال څه باندې۲۵۰۰زده کوونکي پر زده کړو بوختي دي، چې د نوې ودانۍ له پرانېستو سره ورته خوندي تدریسي چاپېریال برابر شو.
د ودانۍ د پرانېستې په تړاو جوړو شویو مراسمو کې د ننګرهار ولایت مقام مرستیال،د پوهنې رییس، د دولتي ادارو یو شمیر مسوولینو، قومي مشرانو، ښوونکو او زده کوونکو ګډون درلود.
