تاند- د داعش یا اسلامي دولت وسله والو سختدریځو په ننګرهار ولایت کې ۳۰ ملکیان یرغمل کړي دي.
د کوټ ولسوالي اوسېدونکي وايي چې داعشي ترهګرو په کوټ ولسوالي کې د خلکو پر کورونو په بریدونو کې لږترلږه ۸ ملکیان وژلي او ۶ نور ژوبل کړي دي.
د سیمې اوسېدونکي وايي چې داعشیانو د خلکو ګڼ کورونه سوځولي دي.
د ننګرهار د والي ویندوی عطا الله خوږیاڼي د داعشي ترهګرو له لوري د ملکیانو یرغملکېدا تایید کړه ویې ویل چې د داعشیانو له لوري په تښتول شویو ملکیانو کې ماشومان او ښځې هم شاملې دي.
د خوګیاڼي په وینا وسلوالو ځان سره د ښځو او ماشومانو په ګډون دیرش کسان برمته کړي چې له دوی څخه یو شمیر یې بیرته خوشې شوي دي .
عطا الله خوګیاڼی وايي، افغان ځواکونه هڅه کوي چې پاتې یرغمل شوي کسان هم خوشې کړي.
د ننګرهار د والي ویندوی رسنیو ته ویلي چې د داعش وسلوالو په سیمه کې درویشت کورونو ته اور اچولی دی .
ده همداراز وویل چې په کوټ ولسوالي کې د عام ولس او داعشیانو ترمنځ نښته د جمعې په ورځ پیل شوه او په ترڅ کې یې تراوسه ۳۷ داعشیان هم وژل شوي دي.
د ننګرهار د والي ویندوی وايي چې په نښتو کې د دې تروریستي ډلې ۳۲ نور غړي ژوبل شوي دي.
هیڅکه هڅه نشی کولی دی افغان ځواکونو مخ ته ورشی دوی دی بی ګناه خلکو باندی زور بد دی دا داغیشنه یاښودیان