تاند- په هند کې یو افغان ځوان، چې غوښتل یې د یوې ودانۍ له دوهم پوړه ځان وغورځوي، له ځانوژنې وژغورل شو.
د هندي رسنیو د راپور له مخې، د حیدراباد د راجیوګاندي د نړیوال هوايی ډګر پولیسو پرون /شنبه/ وویل، یوه ۲۱ کلن افغان غوښتل چې د ودانۍ له دوهم پوړه ځان کښته واچوي.
د دغه افغان په اړه ویل شوي چې ولي نومېږي او د حیدراباد په نظام کالج کې محصل دی.
پولیس وايي چې ولي د خپلوانو له لوري وژغورل شو. نوموړی له ژغورل کېدو وروسته خپل تره ته وسپارل شو.
د دغه ځوان د ځانوژنې د هڅې علت تراوسه پورې څرګند شوی نه دی.
دا هغه مردار خواره او ظالم خلک دي چې یا خو به په واسطه او یا هم پلار به یې رئیس او یا کوم بل چارواکی وی چې د بل غریب او مستحق حق به یې خوړلی وی او دی یې هلته لیږلی نو داځکه دا ډول کړنې ترسره کوی