تاند- د میدان وردک ولایت په سید اباد ولسوالۍ کې په یوه ورځ لېونو سپو ۱۴ تنه ماشومان، ښځې او لویان داړلي دي.
د میدان وردک د والي ویاند عطا الله خوږیاڼی وايي، په داړل شویو کسانو کې درې مېرمنې او ۹ ماشومان دي او د ۶ تنو روغتیايي حالت د اندېښنې وړ دی.
ده وویل، دا کسان پرون ناوخته د سید اباد ولسوالۍ په تنګي دره کې د سپو له لوري وداړل شول.
خوږیاڼي وویل چې د داړل شویو کسانو له منځه شپږ تنه، چې وضعیت یې ښه نه و، د درملنې لپاره کابل ته استول شوي دي.
په همدې حال کې د میدان وردک ولایت د عامې روغتیا رييس ډاکتر غلام فاروق مخلص وردک وايي چې داړل شویو کسانو ته یې د لېوني سپي ضد واکسین ورکړي دي.
ده دا هم وویل چې سیمې ته یې د څېړنې لپاره یو پلاوی استولی څو معلومه کړي چې دا کسان کوم ډول سپو داړلي دي.
د ډاکتر مخلص وردک له څرګندونو داسي ښکاري چې لا هم په دقیق ډول څرګنده نه ده چې دا کسان د لېونو او که عادي سپو له لوري داړل شوي دي.
خو د میدان وردک د والي ویاند ښاغلی خوږیاڼی وايي چې څه موده وړاندې هم په نرخ ولسوالۍ کې په لسګونو کسان د لېونو سپو له لوري داړل شوي ول.
دا خو ډیره زیاته بده پیښه شوی ده که دا پیښه د چک ولسوالی د شیخ یاسین کلی کی شوی وای څه به مو کول ځکه د شیخ یاسین د کلی د کلنیک داکتر چهار شنبه کور ته تللی او تر دوشنبی نه راځی پوری نه راځی او بیا خپله دنده یوه ناپوهه نرس ته سپاری دا د دغی ډاکتر د هری هفتی کار دی چی چهارشنبه کور ته ځی او بیا تر دوشنبی نه راځی د کلنیک مسولین هم څه نه ورته وایی د کلی اوسیدونکی خو هسی غریب خلک دی څوک یی اواز نه اوری خدای د ورته هدایت وکړی تاسو ووایی چی امین
ګرانو لوستونکو
السلام علیکم ورحمة الله وبرکاته
په ريښتیا هم یوه خطرناک دښمن دی چې د توقع او هیلې خلاف د ټولنې په هرکس حمله کوي او ناروغي یې خورا بده او انسانانو ته زیاته زیان رسوونکې ده. پدې اړه د عامې روغتیا او وردګو ولایت له درنو چارواکیو دا لاندې غوښتنی لرم:
• د داړل شویو کسانو لپاره دې سملاسي طبي مرسته برابره کړل شي.
• د تنګي او نژدې نورو سیمو خلکو ته دې د لیونیو سپیو په اړه او له هغوي څخه د خلاصون لارې چارې وروښودل شي.
• د تنګي د درې د نورو درنو اوسيدونکو د ژغورنې لپاره دې په چټک ډول د لیونیو سپیو د له منځه وړلو عملي اقدامات پیل شي.
• د وردګو ولایت د عامې روغتیا ریاست او په یاد ولایت کې شته د خیر او ښېګنې ادارې دې په دغه شان حالاتو کې خپل دنده په ښکل او مناسب شکل ترسره کړي.
• که د درملو او لوازمو لپاره مناسبه بودجه نه وي، د وردګو ولایت له مخورو او مشرانو سره دې اړیکه ونیول شي، چې د اړوندې چارې د سمون لپاره ژر تر ژره لاره هواره شي.
• د ټولو ټیمونو د ژغورنې لپاره باید د وردګو ولایت امنیتي ځواکونه د امنیت د چارو مسووليت په غاړه واخلي.
• ښاغلی والي صاحب باید دغې موضوع کاري لومړیتوب ورکړي تر څو د نورو پېښو مخنیوی وشي.
د سیدآباد ولسوالۍ د تنګي درې څخه پرته دې دغې سیمې ته نږدې نور کلي او سیمې هم د جدي څار لاندې شي چې د نورو پېښو مخنیوی وشي. ځکه د وردګو ولایت د سیدآباد د ولسوالۍ دغه دره یو خورا سترایتژیک جغرافیایې موقعیت لري چې له یوې خوا د شنیز له درې، له بلې خوا له شیخ آباد، له بلې خوا له لوګر او په پای کې د اونخي له دره سره هم نږدې پرته ده.
د وردګو د ولایت د درنو خلکو مې هیله داده چې که دولتي مرسته او پاملرنه کاواکه او پڅه وي نو دوی باید خپله دنده او مسوولیت ته شا نکړي او په همدې لاره کې د وردګو ولایت او ټولو افغانو ځوانانو ملاتړ او هحلې ځلې تیارې دي.