تاند- یوه انتحاري نن په کابل کې د لویې څارنوالۍ د مامورینو پر بس حمله وکړه او لږترلږه ۳ تنه یې ووژل.
دا په یوه اوونۍ کې دوهمه ورته انتحاري حمله ده چې په پلازمېنه کې پر ملکي مامورینو کېږي.
وسله والو طالبانو د نننۍ حملې مسوولیت سمدستي په غاړه واخیست.
شاهدانو او پولیسو وویل چې انتحاري په داسي حال کې د لویې څارنوالۍ پر مامورینو د دارلامان د سیمي د سناتوریم په کوڅه کې حمله وکړه چې هغوی له کاره خپلو کورونو ته روان ول.
د پېښې یوه شاهد محبوب الله وویل:«زه د سړک له یوې غاړې بلې ته اوښتم چې زوروره چاودنه مې واورېده، ۱۰ یا ۱۲ ټپیان مې ولیدل.»
د کورنیو چارو وزارت یوه چارواکي وویل، لومړني معلومات ښيي چې په دې پېښه کې ۳ تنه وژل شوي او ۱۰ نور ژوبل دي.
ده تایید کړه چې په بس کې د لویې څارنوالۍ مامورین سپاره ول.
تېره میاشت په همدغه سیمه کې پر یوه بس برید شوی و چې ۱۵ ملکیان پکې ژوبل شوي ول. او د روانې مې په څلورمه د لویې څارنوالۍ پر بس په حمله کې ۳ تنه ژوبل شول.
که غل نه اوړی ، مل د واوړی.
که تروریستان نه انسانان کیږی نو د دولت مامورین د له دولتی بسونو استفاده نه کوی او په انفرادی ډول د په عمومی بسونو یا نورو نقلیه وسایلو کی ځان خپلو دندو ته رسوی.