تاند- نامعلومو وسله والو تېره شپه د کابل ښار په جمال مېنه کې په یوه کور کې ۷ تنه ووژل.
د کابل پولیس تاییدوي چې حمله د شپې په شاوخوا ۲ بجې شوې او وژل شوي کسان د یوې کورنۍ غړي دي.
د وژل شویو کسانو خپلوانو ویلي چې په وژل شویو کې دوه سړي، دوې ښځې او ۳ ماشومان شامل دي.
د دې بې رحمانه وژنو علت او انګېزه تراوسه څرګنده نه ده.
په وروستیو کې ځینو کابل ښاریانو د جنايي پېښو په زیاتېدو اندېښنه ښکاره کړې ده.
څو ورځې مخکې په نوي ښار کې یو سوداګر ووژل شو.