خبریال: کانیشکاـ
د کاپیسا د کرنې او مالدارۍ ریاست چارواکي وايي په روان کال کې د اته سوه میرمنو د اقتصادې وضعیت د ښه والي په هدف یې د کورنۍ باغچې پر نوم یوه پروژه رامنځته کړې ده، چې د روان کال تر پایه به عملي شي او د یادې پروژې په پلي کیدو سره به د ګڼ شمېر میرمنو اقتصادي ستونزې حل شي. د کاپیسا د کرنې او مالدارۍ رییس عبدالواهاب نسیمي په وینا د یادې پروژې لګښت د کرنې او مالدارۍ وزارت له خوا ورکول کېږي او اوسمهال یې په یو شمېر میرمنو باندې تخنیکي وسیال هم ویشلي دي تر څو د اوړي په موسم کې د کورنۍ باغچې حاصلات پروسس کړي او د ژمي پر موسم کې یې په مناسبه بیه وپلوري.
نوموړی زیاتوي: « ځینې سبزیجات شته، چې د ژمي په موسم کې نه ساتل کېږي او له پاکستان څخه هېواد ته راوړل کېږي او په لوړه بیه پلورل کېږي. زموږ هڅه دا ده چې د کورنۍ باغچې د لارې ډول ډول سبزیجاتو کرنه، ساتنه او پروسس(وچول ) یې میرمنو ته ورزده کړو اود اوړي پر مهال همدا سبزیجات وچ کړې او د ژمي په موسم کې په مناسبه بیه وپلوري چې دا بهیر مو پیل کړی دی او په دې پروګرام سره به د بې وزلو میرمنو اقتصادي وضعیت هم ښه شي».
د یادونې وړ ده، چې کاپیسا دهېواد د مرکزي کرنیزو ولایتونو څخه دی چې یو شمېر وچې او تازه میوې د هیواد سره بېره بهرنیو هېوادونو ته هم استول کېږي.