نیټه ۲۹/ ۱۱/ ۱۳۹۷
د کونړ کرنې ریاست،بزګرانو او سوداګرو له لوري د بازار موندنې په پار د کورني تولیداتو او لاسي صنایعو یو ورځنی نندارتون جوړشوی و چې د کونړ والي سربېره پکې د دولتي ادارو او خصوصي سکتور لسګونو مسوولینو برخه اخیستې وه .
د کونړ والي عبدالستار میرزکوال وایي دنندارتون جوړیدو موخه یې د مرکزي حکومت او ملي سوداګرو توجه راجلبول دي ،چې پرمټ به یې د کونړ تولیداتو ته سیمه ییز او نړیوال مارکېټ پیدا کړي .
کونړ والي وویل چې د کونړ چارمغز-غوزان،مالټه،نارنج ،لیمو ،طبي بوټي او لاسي صنایع د کېفیت له پلوه ښه نوم لري او نړیوال مارکېټ ته لاره پیداکول به یې د خلکو په اقتصادي وده کې د پام وړل رول ولوبوي .
د کرنې اوبو لګلولو او مالدارۍ رئیس انعام الله ساپي د خپلو څرګندونو په ترڅ کې وویل د چار مغزو او سټرو سو ترویج لپاره یې ګټور پروګرامونه پیل کړي او سږکال به سلګونه جرېبه ځمکه کې د چارمغزو او مالټو زرګونه نیالګي کېنوي.