تاند، جمعه، د قوس ۸مه: د کورنیو چارو وزارت ځانګړو ځواکونو په لغمان کې د یو لړ عملیاتو په ترڅ کې نږدې ۱۰۰۰ کېلو ګرامه چاودېدونکي توکي کشف کړي دي.
د کورنیو چارو وزارت ویاند نصرت رحیمي تاند ته وویل، ځانګړې قطعې یې تېره شبه د لغمان په قرغه يي ولسوالۍ کې عملیات کړي او ۸۲۰ کېلوګرامه چاودېدونکي توکي یې له کشف وروسته په یو خوندي ځای کې چاودلي دي.
نوموړی وايي، ترهګرو دا چاودېدونکي توکي د سړک د غاړې ماینونو لپاره ساتلي وو.
طالبانو یا کومې ډلې په دې اړه څه نه دي ویلي چې ایا دا چاودېدونکي توکي يې اړوند وو که نه؟