راپور: عصمت بهیر
د تېرې پنجشنبې په ورځ په روشنګرۍ کې استاد امان الله هوسا (ځان بسیاینه لوی غیرت دی) په نوم لکچر ورکړ.
امان الله هوسا وویل: پر ځانه بسیاینه لوی غیرت دی، د متمدنې دنیا انسان ته ډېره مهمه موضوع ده.
استاد هوسا وویل غیرت ته په مختلفو هیوادو او ټولنو کې بېلا- بیل تعریفونه شوي دي خو یو ټولمنلی تعریف چې نسبتاً ډېرو پوهانو منلی دی (هغه شخص باغیرت دی چې پوهه ولري، خواخوږي ولري او د حق مدافع وي.)
ښاغلي هوسا وویل (هغه هیوادونه چې د اقتصادي، فرهنګي او اجتماعي لحاظه یې اړتیاوې پوره وي.) هغوی پر ځان بسیا دي.
نوموړی پر ځان بسیاینه د مختلفو فیلسوفانو له نظره تشریح کړه او ویې ویل چې، د انسان تر ټولو لوی استاد طبعیت دی، او د طبعیت ښېګنه دا ده چې تجربې پکښې کېږي.
د لکچر په پای کې ګډونوالو تبصرې او له استاد څخه پوښتنې وکړې.
د روشنګرۍ لکچرونه هره پنجشنبه په کابل کې تر سره کېږي چې څانګې یې په کندهار او هلمند کې هم فعاله دي.
ښاغلي استاد امان الله هوسا چې د ځان بسياينې په اړه کوم لکچر ګډونوالو ته وړاندې کړ، ډېر په زړه پورې ؤ او خورا زيار يې پرې وېستی ؤ.
د د لکچر په دوران کې د مختلفو فيلسوفانو او علماؤ اندونه وړاندې کړل. خو کله چې لکچر پای ته ورسېد ځينې ګډون کوونکو د همغو فیلسوفانو په اندونو نیوکې وکړې او د اسلام سره يې په ټمذ کې وبلل زياتره اندونه. مګر هوسا صېب وويل چې زه دا نه وايم. دا د علماؤ خپل اندونه دي.
کله چې يو کس راځي او لکچر ورکوي نو هغه خامخا د علماؤ داسې اندونه راوړي چې د اسلام د اصولو سره په ټکر کې نه وي او نومودی پرې بشپړ قانع او منطقي اندونه وي. نو چې ته اندونه راوړې او بيا ترې دفاع نه شې کولی نو د دې لکچر مطلب څه شی دی؟!!