تاند، یکشنبه، د میزان ۷مه: د بلوچستان په چمن ښار کې ریموټ کنټرول بم چاودنې د مولانا فضل الرحمان نږدې ملګری او د جمعیت علمای اسلام ایالتي مشر له دریو کسانو سره یو ځای وژل شوی او ۸ نور ټپيان دي.
پولیس وايي، چاودېدونکي توکي په یو موترسایکل کې ایښودل شوي او بیا د مولانا فضل الرحمن د نږدې ملګري مولانا محمد حنیف د دفتر مخې ته درول شوی و.
د ځايي پولیسو د سرچینو په خبره کله چې مولانا حنیف په چمن تاج روډ سیمه کې له خپل دفتر څخه د راوتو په حال کې و، چې چاودنه پرې شوې او نږدې ولاړ موټر کې د اورلګېدو له کبله شاوخوا درې کسان وژل شوي او ۸ نور ټپيان دي.
د جمعیت علمای اسلام ګوند بیا ویلي، مولانا محمد حنیف روغتون ته په لاره د ټپونو له امله ساه ورکړې ده.
عیني شاهدان وايي، چاودنه دومره زوروره وه چې شاوخوا دوکانونو او نورو دفترونو ته یې هم زیان اوښتی دی.
بلخوا د جمعیت علمای اسلام (ف) ډلې مشر مولانا فضل الرحمن د خپل ایالتي استازي او نږدې ملګري محمد حنیف په مشرۍ ژوره خواشیني ښودلې ده.
مولانا فضل الرحمن او ګوند یې هغه خلک دي چې په افغانستان کې یې تل د طالبانو جګړه افضل او د خپلواکۍ جهاد بللی دی.
تر اوسه د دغه برید مسوولیت کومې ډلې پر غاړه نه دی اخیستی.
د آزادی رادیو د معلوماتو له مخی جمعیت ډلی غوښتل چی راتلونکی میاشت کی په اسلام آباد کی لاریون وکړی چی لدی ښکاری دا کار د پنجاب پوځ او څارګری اداری کړی.
کاشکی دا سپی خپله پکی مردار شوی وای
عبدالرحمن بابا وایي (رحمه الله ) :
کوهی مه کنه د بل سړي په لار کې
چرې ستا به د کوهي په لاره لار شي
چې څنګه یې بل ته بمونه ایښودل ، د بل انسان د وژلو جواز یې ورکړی و ، نن په همغه رنګ او په همغه جواز دوی هم وژل کیږي .
آیا دا وخت د عبرت او د انسانیت پیژندنې ندی ، چې دوی په ډیر بې شرمۍ سره خپل افغان وروڼو وژنه جهاد او شهادت ګڼي .