خبریال: زاهدالله ځلاند – د چين په سوېل ګواندون ولايت کې د فوشان په ښار کې د چټک تګ موټرو لپاره د پرزو جوړولو په يوه فابريکه کې د درې وو چاودنو له امله، لږ تر لږه ۱۷ کسان وژل شوي او نور ۲۰ تنه پکې ټپیان شوي دي.
.ویل کېږي چې چاودنې د ګاز د چاودېدو له امله رامنځته شوې دي
چاودنو له امله دغې فابريکې دېواالونو او چتونو ته زيان اوښتی دی.
دغې فابريکې ته نږدي، د ښيښو جوړولو په فابريکه او نور ودانيو کې هم خلک ژوبل شوي دي.
د چاودنو وروسته فابریکه بنده شوې ده او ټپیان نږدې درېوو روغتونونو ته لېږدول شوي دي.
دغه چاودنې په داسې مهال کې کېږي، چې چینایي چارواکو ۲۰۱۴ زېږدیز کال د صنعت په برخه کې د چاودنو له امله، د چین لپاره تر ټولو بد کال ونوماوه.
په تېره اګسټ میاشت کې هم د موټرو د پرزو جوړولو په یوه فابریکه کې چاودنه رامنځته شوې وه، چې هغه مهال یې ډېری کسان وژلي وو