تاند- چینايي ستورمزلي یا فضانوردان وايي، په فضا کې یې داسي ږغونه اورېدلي چې په خپل ژوند کې یې مخکې نه و اورېدلي.
چینايي ستورمزلي، چې تېره اوونۍ مځکې ته بېرته راغلل، وايي، په فضا کې یې ډېر مرموز ږغونه؛ لکه څوک چې د چا دروازه ډبوي، اورېدلي دي.
یوه چینايي ستورمزلي یانګ لي وي، چې لومړی پلا په ۲۰۰۳ م کال په شن جو ۵ ستوربېړۍ کې فضا ته لاړ، د چین دولتي تلویزیون ته په مرکه کې وویل، په ځلونو یې ستوربېړۍ داسي ټکول شوې لکه څوک چې دروازه ټکوي.
یانک د چین یوڅلوېښتم ستورمزلی دی او د ۲۰۰۳ م کال په اکتوبر میاشت کې یې ۲۱ ساعتونه په فضا کې تېر کړل.
ده وویل«ږغونه داسي ول لکه څوک چې په لرګین څټک د ستوربېړۍ وسپنیزه باډۍ ټکوي.»
دی وايي، دا ږغونه یې یو وار نه بلکې په ځلونو اورېدلي دي.
چینايي ستورمزلي اټکل کوي چې دا ټکا به ممکن د نورو مخلوقاتو له لوري وه.
دوی وايي چې په مځکه کې ستور بېړۍ په مختلفو وسایلو وټکوله خو هماغسي اواز ترې پورته نه شو.