نېټه: ١٣٩۶-۱۰-۲۷
د چهارشنبې په ورځ کندهار والي تورن جنرال زلمی ويسا د شاوليکوټ ولسوالۍ د تور کوتل سيمي ته ولاړ او هلته يې د کندهارـ روزګان تر منځ د نوي جوړېدونکي سړک د روانو چارو څخه ليدنه وکړه.
کندهار والي تورن جنرال زلمي ويسا د ياد سړک رواني چاري وستايلې او د افغان ملي، امنيتي او دفاعي ځواکونو او ټولګټو رياست څخه يې مننه وکړه چي په ښه ډول يې د جوړېدو چاري سر ته رسوي.
ښاغلي ويسا د ټولګټو رياست ته لارښوونه وکړه د ياد سړک د جوړېډو چاري لا هم چټکي کړي، ترڅو ژر تر ژره د ترافيکو پر مخ پرانیستل سي.
کندهار والي همدراز امنيتي ځواکونو او د ټولګټو رياست ته د ياد سړک په جوړېدو کي د هر ډول همکارۍ ډاډ هم ورکړ.
بايد وويل سي چی د شاولیکوټ ـ رزوګان تر منځ نوي جوړېدونکی سړک ۳۶ کليومتره دی چي تر دې مهاله يې ۱۲ کیلومتره جوړ سوی.