امنیتي سرچینو وویل چې طالبان د کندوز د ولایت مقام او امنیه قومندانۍ ته د نژدې کېدو په حال کې دي.
یوې سرچینې د نوم د نه ښودلو په شرط تاند ته وویل چې طالبانو د ولایت محبس نیولی، بندیان یې خوشي کړي دي.
شاهدان وايي چې طالبانو د کندوز د ملي امنیت دفتر هم نیولی دی او اوس د ولایت د مقام په څو سوه مترۍ کې دي.
څرګنده نه ده چې د کندوز چارواکي په خپلو دفترونو کې دي او که وتلي دي.
ګومان کېږي چې ډېری چارواکي به د کندوز هوايي ډګر ته تللي وي.
طالبانو بیا ادعا کړې چې ټول ښار یې نیولی او اوس د دولتي ادارو په تصفیې بوخت دي.
حو د دفاع وزارت ویاند دولت وزیري او د کندوز د والي ویندوی دا ادعا ردوي او وايي چې طالبان یې د ښار له مرکزي برخې په شا تمبولي دي
وروستي راپورونه وايي چې ټول ښار طالبانو نیولی او امنیتي خواکونه یوازې په هوايي ډګر او بالاحصار کې پاتې دي.