ګوګل، پښتو ترجمان د خپلو ژبو په کتار کې زیات کړ خو نیم نیمګړی

تاند – د ګوګل وتلي انټرنېټي سایټ چې د نړۍ په ګڼو ژبو د ترجمې وړیا خدمتونه وړاندې کوي نن پښتو ژبه د خپلو ژبو په کتار کې ورزیاته کړه.

د ګوګل ژباړن یا ګوګل ترجمان برخه ښیي چې پښتو د هغو ۱۰۲ ژبو په کتار ورزیاته شوې او ۱۰۳مه ژبه شوې چې ګوګل یې انګلیسي ته او له انګلیسي څخه هغو ژبو ته ترجمه کوي.

په ګوګل ترجمان باندې له کار څخه داسې ښکاري چې د پښتو ژباړن اکثر مواد لا تر اوسه پورې یوازې انګلیسي ته ترجمه کیږي او نورو ژبو ته د پښتو متن د ترجمې له پاره د انټر په وهلو سره د ګوګل ژباړن دویم کور تش پاتې کېږي.

همدارنګه بل عیب یې دا دی چې د اکثرو نورو ژبو په څېر په پښتو ژبه کې هم د ګوګل ترجمان تېروتنې کوي چې یو علت یې ښایي دا وي چې د پښتو ژباړن لغتونه اکثر د غیرمسلکي ترجمانانو له خوا ترجمه شوي دي ځکه چې د ګوګل پښتو ترجمان له خوا وشا ۶ کالو راهیسې په بې څوکه حالت کې پروت وو او که د چا به خوښه شوه وړیا کار به یې په کې کاوه که نه همداسې به پاتې وو.

ګوګل یوه امریکایي ګڼ ملتي ټکنالوجیکي کمپني ده چې په انټرنټ پورې د اړوندو خدمتونو او محصولاتو د وړاندې کولو په برخه کې کار کوي.

په اوس وخت کې،‌ ګوګل د ورځې له ۱۲۱ میلیونه امریکایي ډالرو څخه ډېر یوازې د اعلانونو د خپرولو یا د ګوګل اډ ورډز له لارې ترلاسه کوي.‌‌