تاند – یو افغان ساینس پوه په انګلستان کې د ساینسي محاسباتو او ریاضیکي موډلونو په نړیواله سیالۍ کې د ۶۰ هېوادونو د ساینس پوهانو تر منځ د ۷ غوره ساینس پوهانو په ډله کې راغی.
وکیل سرفراز ۳۲ کاله عمر لري او د لوګر ولایت اوسېدونکی دی.
ښاغلي سرفراز په ۲۰۱۴ کال کې د برتانیا د سسېکس نړیوال پوهنتون څخه په ریاضي کې د لېسانس ډګري ترلاسه کړې او وروسته یې په ۲۰۱۵ کال په ریاضي او ساینسي موډلونو کې د دغه هېواد په اکسفورډ پوهنتون کې د ماسټرۍ زده کړې بشپړې کړې دي.
نوموړی دا مهال د برتانیا په سسېکس نړیوال پوهنتون کې د ریاضیکي موډلونو او ساینسي محاسباتو په څانګه کې د دوکتورا زده کړې کوي.
وکیل سرفراز تاند ته وویل، چې دی یوازنۍ افغان دی چې په دې نړیواله سیالۍ کی یې برخه اخیستې وه او په ۷ وتلیو برخه والو کې راغی.
دغه نړیواله سیالي هر دوه کاله وروسته ترسره کیږي چې د ۲۰۱۱ کال سیالي په کاناډا، د ۲۰۱۳ په هسپانیا، د ۲۰۱۵ په جرمني او د ۲۰۱۷ کال سیالي په برتانیا کې وشوه.
———————————————-
د وکیل سرفراز ساینسي ریاضیکي څیړنه په نړیوال ژورنال کې: http://www.sciencedirect.com/science/article/pii/S0960077917302278
الله دی ورته په عمر کی برکت واچوی
الله دی نور هم داسی زلمی پیدا کی
آلله پاک دي نور هم توفيق ورکړي او دنور لازياد ځوانو چه دجهان په اول قطار کي ودريږي په اميد.