داوود ترین ( کوټه) د شاوخوا یوي نیمې اونۍ له تیریدو سره سره لا هم د ډاکټر مناف ترین د خلاصون څرک نه لګیږي.
نوموړي د بلوچستان ایالت له کوټي څخه د سپټمبر په ۱۷ مه نیټه نامعلومو کسانو تښتولی دی.
ډاکټر ترین یو سوله غوښتونکی او په سیمه کي یو خیر شخصیت وو چي په خیریه کارونو او د خپلي سیمي د سوکالۍ او هوسا کولو لپاره یي ډیر کار کړی دي.
د دغي تښتوني په غبرګون کي په ټول بلوچستان کي د شنبي له ورځي ډاکټرانو کاري اعتصاب پیل کړی دی.
هغوي ویلي چي تښتونکي باید مناف ترین خوشی کړي او حکومت باید د ډاکټرانو د خوندي توب لپاره ضمانت وړاندي کړي.
د ډاکټر ترین کورنۍ پر وینا چي دوي له هیچا سر شخصي دښمني هم نه لري او نه پوهیږي چې نوموړی چا تښتولی دی.
د ډاکټر ترین د کورنۍ یوه غړي نن رسنیو ته وویل چې دوي له تښتونکو غواړي چي ډاکټر ترین بي له قید او شرط څخه آزاد کړي چې د نوموړي د کورنۍ غړي یي په اړه سخته اندیښنه لري.
ډاکټرترین یو له هغو کسانو څخه وو چي د بلوچستان ایالت د کوټي په ګډون په یو شمیر نورو سیمو کي يي په لسګونو طبي بنسټونو بنسټ ایښودنه کړي وه او د زړه ناروغیو وتلی متخصص وو.
تر اوسه کومي ډلي او ویا کس د هغه د تښتوني پړا پر غاړه نه ده اخیستي.
Manaf sab da tol insaniat da zro da sehat ao roughtia ghoshtonki w.no pa da sabab da har insan zra warbandi dardmand so.allah de pa khpal qudrat da tashtawonko sa rakhlas ke.amin ya rabalaalamin