تاند- د ملګروملتو سرمنشي انتونیو ګوتېریش د وسله والو طالبانو له لوري د درې ورځني اوربند د اعلان هرکلی وکړ.
وروسته له دې چې د تېرې اوونۍ د دوشنبې په ورځ د افغانستان ولسمشر د روژې له ۲۷ څخه د کمکي اختر تر پنځمې پورې د ۹ ورځو په مخه طالبانو ته د اوربند اعلان وکړ، طالبانو پرون /شنبه/ وویل چې یوازې د اختر په درو ورځو کې اوربند کوي.
سرمنشي د دې اعلان د هرکلي په ترڅ کې له ټولو ښکېلو خواوو وغوښتل چې له دې موقع په استفادې د افغانانو په مشرۍ او مالکیت د سولې خبرې پیل کړي.
د ملګروملتو د سرمنشي ویندوی سټیفن دوجاریک پرون/شنبه/ په یوه خبرپاڼه کې وویل«سرمنشي په دې کلک باور لري چې د افغانستان جګړه پوځي حللار نه لري او یوازې سیاسي پخلاینه د افغانستان ټپونه رغولی شي.»
دوجاریک د سرمنشي له لوري په دې ټینګار کړی چې ملګري ملتونه په دې مهمه چاره کې د افغانستان د ولس او حکومت ملاتړ ته ژمن دي.
د افغانستان ولسمشر محمد اشرف غني، ناټو او یو شمېر ګاونډیو هیوادونو هم د طالبانو له لوري د اوربند د اعلان هرکلی کړی دی.
خو دواړو اعلانونو ته تر ټولو زیاته خوشالي افغانانو کړې ده.
افغانانو په ټولنیزو رسنیو او مرکو کې نه یوازې د حکومت او طالبانو د اوربند د اعلان هرکلی کړی بلکې غوښتنه یې کړې چې د اوربند موده دې اوږده کړای شي او له دې فرصت څخه په استفادې دې دواړه خواوې د سولې مخامخ خبرې پیل کړي.
Greetings ,
We hope that UN may send its Peace-Corps to Afghanistan instead of UAE or Katar`s soldiers!! , + EU & OTAN etc… must try to decrease war budgeting. Make the InfraStructures of Kabul & all Afghanistan!
Thank you his Excellency Mr. A.Gotirush .
Regards.