خبرپاڼه
نېټه: ۱۲/۴/۱۳۹۷
په کندهار کي د محلي رسنيو د کار کوونکو لپاره د ژبي د اصلاح درې ورځنی ورکشاپ پيل سوو؛ دغه ورکشاپ چي په اطلاعاتو او فرهنګ رياست کي جوړ سوی، پکښي د بيلابيلو محلي رسنيو د خپرونو مسولينو او وياندويانو ګډون کړی وه، دوی ته به په درو ورځو کي د خپرونو د وړاندي کولو پر مهال د خبرو ډول، د لهجې په اړه پوهاوی او نور اړين موضوعات تدريس سي.
د کندهار د اطلاعاتو او فرهنګ رياست په نوښت د محلي رسنيو د ژبي د اصلاح او راډيويي خپرونو جوړولو درې ورځنی ورکشاپ که له يوې خوا ډېر ګټور بلل کيږي، له بلي خوا به ئې د محلي راډيو ګانو پر خپرونو هم مثبت اغېز څرګند سي.
د اطلاعاتو او فرهنګ رئيس فضل الباري بريالي وویل، چي ددې درې ورځني ورکشاپ پرمهال به د محلي رسنيو کارکونکو ته په خپرونو کي د معياري ژبي د استعمال ترڅنګ د معياري راډيويي خپرونو جوړولو په برخه کي پوهاوی ورکړل سي.
د کندهار د اطلاعاتو او فرهنګ رياست مسولين د محلي راډيوګانو د معياري نشراتو وړاندي کولو لپاره ددغه ډول ورکشاپونو جوړول ګټور بولي او يادونه کوي، چي په راتلونکي کي به هم ورته پروګرامونو ته دوام ورکړي.