تاند- د چین یوه زنځیري رستوران ته وروسته له دې د ۱۹۰ ملیون ډالرو تاوان واوښت چې په سوپ کې یې مړ موږک وموندل شو.
موږک څه باندې یو کال پخوا د یوې اومیندوارې ښځې د سوپ په کاسه کې وموندل شو او عکس یې په ټولنیزو رسنیو کې بیا بیا خپور او شریک شو. دا چاره سبب شوه چې د چین د جیباو جیباو رستوران کاروبار په یوه کال کې خورا کم شي.
تر دې حده چې د چین په شاندونګ ښار کې دا رستوران موقتاً بند شوی دی.
چینايي رسنیو نن /پنجشنبه/ وویل چې د رستورانونو دې لړۍ اومیندوارې ښځې ته د ۵ زره ایوانه، چې ۷۲۹ ډالره کېږي، تاوان ورکولو وړاندیز کړی دی.
خو ښځې دا وړاندیز رد کړی دی.