د هلمند ولایت د بړېڅو یوه قومي مشر مطیع الله مطیع له ولسمشر غني څخه د هېواد او په ځانګړې توګه د هلمند پر یو شمېر ملي مسایلو د بحث لپاره د ملاقات غوښتلو په هدف د تحصن خېمه درولې ده.
دغه قومي مشر وایي له دوه میاشتو را په دې خوا له خپلې کورنۍ لرې په کابل کې د ولسمشر د ملاقات لپاره په تمه دی چې لا یې هم غوښتنه نه ده منل شوې. نوموړی وایي له ولسمشر څخه د عدالت غوښتنه کوي او یواځینۍ موخه یې د خپلو حقونو ترلاسه کول دي. هغه زیاته کړه له دوه ورځو راهیسې د نوي ښار پارک ته څېرمه یې په( ۲۰-) درجه یخنۍ کې خېمه درولې ده او د ولسمشر څخه غوښتنه کوي چې خپل ځان ته یې وغواړي او د خپل ولس د حقونو په تړاو ورسره بحث وکړي.
مطیع وایي تر هغه به یې خېمه ولاړه وي څو چې د هلمند ولایت په تړاو یې غوښتنې نه وي منل شوې او حقه حقوق یې نه وي ترلاسه کړي.