تاند- ځانګړو افغان ځواکونو په غزني ولایت کې د عملیاتو په ترڅ کې د طالبانو له یوه محبس څخه په لسګونه بندیان خوشي کړل.
د کومانډو ځواک قول اردو نن /دوشنبه/ په یوه خبرپاڼه کې ویلي چې دا عملیات په اب بند ولسوالي کې شوي دي.
د افغانستان کومانډو ځواک په ځلونو د طالبانو له بندیخانو څخه بندیان خوشي کړي او ویل کېږي چې دا ځواک په خپلو عملیاتو کې ډېر بریالی دی.
په اب بند کې د طالبانو له بنده په ۳۸ تنو خوشي شویو کسانو کې څو تنه امنیتي منصبداران هم شامل دي.
د کومانډو قول اردو په خبرپاڼه کې ویل شوي چې د ځانګړو ځواکونو په عملیاتو کې۱۰ طالبان وژل شوي او ۹ نیول شوي دي.
طالبانو په اب بند کې د کومانډو ځواک حمله تایید کړې خو ویلي یې دي چې هغوی ته یې مرګ ژوبله اړولې او په شا تمبېدو ته یې اړ ایستلي دي.
د طالبانو ویندوی ذبیح الله مجاهد ویلي چې دوی ۲۰ کومانډو وژلي دي.
مجاهد د طالبانو د مرګ ژوبلو په اړه څه نه دي ویلي.
له یوه لورې د حق ، عدالت ، اسلامیت ، افغانیت او د ګران وطن د ویاړونو مدافعین او سپاهیان دي چې د ظالمانو ، د پردیو له جاسوسانو او د پنجاب له مزدورانو نه یې 38 مظلوم اسیران آزاد کړیدي .
په مقابل کې زمونږ د عصر تر ټولو کرکجنه او منحوسه څېره چې د وطن پلورونکو ، جاسوسانو او تش په نوم مجاهد ترنامه لاندې د اسلام سوداګر دی چې د هېوادوالو ترمنځ د منافق په نوم مشهور شویدی او د اسلام د مقدس دین د ټولو اصولو خلاف تل دروغ وایی او د هېوادوالو فکرونه مغشوشوي.