د کورنۍ پېژندنه: کورنۍ له هغه اجتماعي واحد څخه عبارت ده چې د یوه نارینه او ښځینه له واده کولو وروسته رامنځته کېږي او یا هم د هغو وګړو مجموعې ته کورنۍ ویل کېږي چې د یوې ځانګړې موخې لپاره تر یوه چتر لاندې ژوند کوي.
د اسلام له نظره د کورنۍ پېژندنه: د اسلامي قوانینو له مخې په پوره رضایت سره د یوه نر او ښځې ترمنځ نکاح کول کورنی جوړښت را منځته کوي چې د وخت په تېرېدو سره، په کورنۍ کې نوي ماشومان نړۍ ته راځي او کورنۍ پراخوالی مومي.
د کورنۍ دندې:
۱- د نسل تولید او له همدې لارې د نسل پایښت
۲- له ډول ډول ستونزو او خطرونو څخه د نسل ساتنه
۳- د اسلامي قوانینو په چوکاټ کې ژوند کول او پر اسلامي روحیه د خپلو اولادونو روزنه
کورنی جوړښت: له پخوا زمانو څخه تر اوسه کورني جوړښت د ځان لپاره بېلابېلې بڼې غوره کړې دي. په دې موده کې سیاسي، ټولنیزو، اقتصادي او کلتوري شرایطو ورباندې پوره اغېز هم کړی دی.
حمیدالله حمیدي
