تاند- په افغانستان کې د امریکا سفارت وايي چې د دې هیواد لپاره د متحدو ایالتونو ځانګړي استازي له ولسمشر محمد اشرف غني او نورو مشرانو سره له ګټورو خبرو وروسته له کابله لاړ.
مخکې تر دې چې ښاغلی خلیلزاد پرون /یکشنبه/ ماښام له افغانستان څخه روان شي، له ولسمشر غني سره یې د روغې جوړې د پروسې د چټکولو، په افغانستان کې د جګړې د کمولو، او د جګړې د دوام په صورت کې د افغان امنیتي ځواکونو د ملاتړ په اړه مفصلې او ګټورې خبرې وکړې.
خلیلزاد په خپله په یوه ټویت کې ویلي چې د افغانستان له ولسمشر اشرف غني سره یې مهمه غونډه لرله او اوس لاره هواره شوې چې ځوانان، ښځې او ټولې خواوې د دوحې په بین الافغاني خبرو کې سره وویني او بالاخره رسمي خبرې اترې وکړي.
خلیلزاد دغه راز له پخواني ولسمشر حامد کرزي، د سولې د عالي شورا له مشرانو او یو شمېر نورو سیاستوالو سره هم کتلي دي.
” د امریکا سفارت وايي، خلیلزاد له ولسمشر غني سره له ګټورې خبرې کړي ”
Of course he did. Because the government of Afghanistan participation is individualized, far less than governmental representation.