سه شنبه ۲۸/۳/۱۳۹۸
د غزني ولایت د اندړو ولسوالۍ په اړوندو کې له تیري ورځي راهیسي د هوایې ځواکونو لخوا دوه هوایې بریدونه ترسره شوي چې په ترڅ کي یې د یوه قومندان په ګډون نهه (۹) تنه وسله وال طالبان وژل شوي دي.
لومړی برید چې د اندړو ولسوالۍ په سلیمانزو سیمه کې ترسره شوی دی پکي شپاږ(۶) تنه وسله وال طالبان وژل شوي دي.
په دوهم برید کې چې تیره ورځ له غرمي وروسته د اندړو ولسوالۍ اړوند علي جان کلي ته څیرمه ترسره شوی پکي د یوه طالب قومندان حبیب په ګډون دري (۳) تنه وسله وال طالبان وژل شوي دي.
په یادو بریدونو کې ملکي کسانو ته زیان ندی اوښتی.