د انډونیزیا د اورلګیتو په یوه غیر قانوني فابریکه کې د اورلګېدنې له کبله د ماشومانو په ګډون ۳۰ ښځې مړې شوې دي.
پېښه د سوماترا ایالت شمالي بنجايي سیمه کې شوې ده. چارواکي وایي، د اورلګیتو فابریکه په غیر قانوني ډول د خلکو د کورونو په منځ کې فعاله وه او اوس د اورلګېدنې له کبله په بشپړ ډول له منځه تللې ده.
ژغورونکو ډلو د پېښې له ځایه تر دې دمه ۳۰ مړي را ایستلي دي چې ماشومان هم په کې شته، خو د سوځېدو له کبله نه پېژندل کېږي.
چارواکي وايي، د اور وژنې هلوځلو او د شاوخوا کورونو د اوسېدونکو د ژغورنې کار ۵ ساعتونه ونیول.
پولیسو زیاته کړې، د اولګېدنې له ځایه ایله ۴ کسانو ځانونه روغ ایستلي خو نور کسان له دې کبله چې فابریکې د ژغورنې بیړنۍ لار نه لرله، بند پاتې شوي دي.
چارواکي وایي، دغه فابریکه کې یوازې ښځو کار کاوه چې خپل ماشومان به یې هم ځان سره راوستل.