تاند: د نریندرا مودي په مشرۍ د هند نوي پارلمان د ۴۴۲ ملیارده ډالرو بودیجه وړاندې کړه او پوځي سکټور ته یې په کې ۸ سلنه بودیجه هم ورزیاته کړه.
د هند د مالیې وزیرې نرملا سیتارامن د بودیجې د اعلان پر مهال وویل، هند به راروانو پنځو کلونو کې تر امریکا او چین وروسته د نړۍ په کچه دریم ستر اقتصادي ځواک وي.
د هند د سږنۍ بودیجې ځانګړنې دا دي چې دفاعي سکټور ته یې ۸ سلنه بودیجه لوړه کړې ده، دغه راز د متقاعدینو لپاره هم ځانګړې اندازه په کې زیاته شوې، رافیل جنګي الوتکو او د ایس ۴۰۰ توغندیز سیټم اخیستو لپاره هم په کې پيسې بېلې شوي او پر دفاعي وسایلو ګمرکي محصولات هم ختم کړای شوي دی.
نوموړې ویلي، د هند اقتصادي وضعیت کې دېرش ملیارده ډالر ښه والی راغلی چې راتلونکو پنځو کلونو کې به دا ګراف ۵۰ ملیارده ډالرو ته لوړ شي.
