تاند- د بریتانیا هوايي شرکت (بریتش اییروېز) د خپلو مسافرو د شخصي معلوماتو په خوندی کولو کې د پاتې راتلو له کبله ۲۳۰ ملیون ډالره جریمه کېږي.
د سي این این د راپور له مخې، دا د یوه هوايي شرکت لپاره بې سارې (ریکارډ) جریمه ده.
دا جریمه د مسافرو د معلوماتو د خوندي ساتلو په اړه د هغه قانون د سرغړونې په خاطر ده چې تېر کال اروپايي اتحادیې تصویب کړ.
ویل شوي چې د تېر (۲۰۱۸) له جون څخه تراوسه پورې د بریټش اییروېز د ۵ لکه مسافرو په اړه معلومات د دې هوايي شرکت له ویبپاڼې اخیستل شوي دي.