تاند، جمعه د چنګاښ ۲۸مه: وروستي راپورونه وايي، نن سهار د کابل پوهنتون سویلي دروازه کې دهبوري څلورلارې ته څېرمه چاودنه کې ۱۰ کسان وژل شوي او لږ تر لږه ۲۵ نور ټپیان دي.
د کورنیو چارو وزارت ویاند نصرت رحیمي تاند ته وویل، برید یو کرولا موټر کې راغلي ځانمرګي کړی چې له کبله یې د طب پوهنځي او شرعیاتو پوهنځي د کانکور ازموینې لپاره منتظر ۱۰ کسان وژل شوي او ۲۵ نور ټپيان دي.
خو بلخوا د عامې روغتیا وزارت ویاند وحید الله مایار د برید تلفاتو په تړاو پر خپله ټویټر پاڼه لیکلي چې ننني برید نه د کابل روغتونو ته ۸ مړي او ۳۳ ټپيان وروړل شوي دي.
طالبانو په دغه برید کې خپل لاس لرل رد کړي، خو د کورنیو چارو وزارت ویاند وايي، د دوی کره اسناد ښيي چې برید طالبانو کړی اما طالبان چې کله ملکي تلفات په دا ډول بریدونو کې زیات وویني، نو له پړې اخیستلو یې ډډه کوي.
Razela taleba aw isi taso da lar aw bar afghan musulmanano da IALA doshmanan ye.Allah mo zalil aw taba kra aminnnnnnnnn