تاند- یوې هندي کمپنۍ د کمپیوټر د ماوس په ځای داسې ګجیت جوړ کړی چې په لاس کې نیول کېږي او د لاس په خوځولو کمپیوټر کنټرولېږي.
د ویکارا په نوم هندي ستارت اپ دا اله جوړه کړې ده.
دا اله کای (Kai) نومېږي او د لاس په رغوي کې نیول کېږي.
کای د کمپیوټر کاروونکي ته موقع ورکوي د لاس په حرکاتو یا اشارو کمپیوټر ته قومانده ورکړي.
دا اله به ممکن د اوسنیو ماوسونو ځای ونیسي ځکه چې جوړوونکي یې وايي چې د کای په وسیله پر کمپیوټرکار اسانه کېږي.
د دې الې کاروونکی د لاس په ښورولو له یوې ویبپاڼې بلې ته تللی یا یو شی کلیک کولی شي.
همداراز د دې الې په وسیله د کمپیوټر کاروونکی د لاس د خوځولو له لارې د کمپیوټر په سکرین کې عکس زوم یا ووړ او زوم اوټ کولی شي.
اصلاً دا اله یا کای د انسان د لاس حرکتونه پېژني.
د هند ویکارا کمپنۍ وايي چې په اصل کې یې دا اله د ډیزاینرانو یا طراحانو لپاره جوړه کړې وه خو اوس فکر کوي چې ټول خلک ورڅخه کار اخیستلی شي.