تاند، شنبه، د میزان ۶مه: د بشر د حقونو خپلواک کمېسیون وايي، د څارونکو راپورونه یې ښيي چې د کابل به پلچرخي او دهېواد نورو زندانونو کې ټاکنې نه دي ترسره شوي.
د دې کمېسیون ویاند شکرالله مشکور تاند ته وویل، زندانیان هم د اساسي قانون له مخې سیاسي او مدني حقونه لري او کولی شي چې د خپلې خوښې نومان ته رایه ورکړي: (( دا کار د کمېسیون د امادګۍ نشتوالي له کبله شوی، خو موږ یې اندېښمن کړي یوو.))
بلخوا د بشر د حقونو خپلواک کمېسیون په یو ټویټ کې هم راغلي چې په پلچرخي زندان کې ۱۱ زره کسان د رایې له حقه بې برخې پاتې شوي دي.
کمېسیون ویلي، د کابل د ښځو په زندان کې هم رایه اچونه نه ده شوې او ۲۵۰ زنداني مېرمنې د رایې له حقه بې برخې شوې دي.
خو د ټاکنو کمېسیون ویاند ذبیح الله سادات بیا تاند ته وایي، هغه بندیان چې ولسمشریزو ټاکنو ته یې نوملیکنه نه وه کړې، ټاکنو کې یې هم برخه نه ده اخیستې.