تاند، پنجشنبه، د میزان ۱۸مه؛ د افغانستان د ټاکنو کمېسیون د آی ټي مشر عدلي او قضايي ادارو ته د څېړنو لپاره معرفي شوی دی.
د ټاکنیزو شکایتونو کمېسیون نن پنجشنبه دا خبره منلې او وايي، د کبیر پناهي په تړاو یې لویې څارنوالۍ ته شکایت کړی و چې څېړنې ترې وکړي.
پر کبیر پناهي تور دی چې ولې په بایومتریک ماشینونو کې تخنیکي ستونزې دي او د ځینو رایه ورکووونکو نومونه ورک دي؟
دا په داسې حال کې ده چې تر کبیر پناهي وړاندې د پارلماني ټاکنو د نه مدیریت له کبله د ټاکنیزو کميسیونونو ټول کمېشنران محکمې په پنځه کلن بند محکوم کړي او اوس په زندان کې شپې ورځې تېروي.