تاند، یکشنبه، د عقرب ۲۶مه: د ننګرهار د کرنې رئیس سمیع الله نصرت نن سهار په یوه ټرافیکي پېښه کې ژوند بایللی.
د ننګرهار د والي ویاند عطا الله خوږیاڼی تاندته وايي، انجنیر نصرت نن سهار د کابل – جلال اباد پر لاره سرخکان سیمه کې ټکر کړی دی.
بلخوا د کرنې وزارت ویاند اکبر رستمي هم پر خپله فیسبوک پاڼه د ننګرهار د کرنې د رئیس مړینه تایید کړې او هغه یې د وزارت یو لوی کادر بللی دی.
انجنیر نصرت تر دې وړاندې په خوست او زابل کې دنده ترسره کړې وه.