تاند- د ټایم مجلې د تازه راپور له مخې چې د سې شنبې په ورځ (جنوري ۱۴) یې خپور کړ، له ۱۸۷۱ څخه د انسان د بدن نورمال حرارت د سانتي ګراد ۳۷ درجې (د فارنهایت ۹۸ اعشاریه ۶) ګڼل کېده خو اوس ساینسپوهان دې نتیجې ته رسېدلي چې د انسان د تودوښې نورمال درجه تر دې ټیټه شوې ده.
د تودوښې د لوړې درجې معنا دا ده چې تبه لرئ او تبه هغه وخت انسان ته پیدا کېږي چې ناروغ شي.
د ټایم د راپور له مخې، په امریکا او اروپا کې ډاکتران د خلکو د تودوښې د درجې له بیا بیا کتلو دې نتیجې ته رسېدلي چې د انسان د تودوښې درجه بدله شوې ده.
دوی وايي چې د ایرکنډېشن او مرکز ګرمۍ په شان د سړولو او تودولو وسایلو د انسان د بدن حرارت بدل کړی دی.