تاند، چهارشنبه، د حوت ۷مه: د کاپیسا ولایتي چارواکي وایي، په دغه ولایت کې یو زوی خپل پلار په ښکاري ټوپک وژلی دی.
د کاپیسا د امنیه قومندانۍ ویاند عبدالشایق شورش تاند ته تایید کړه چې پیښه نن سهار د کاپیسا ولایت د کوهاستاناتو دویمه حصه ولسوالۍ په ارباب خیلو کې شوې ده.
نوموړی وایي، د محفوظ په نوم یو کس د خپل زوی لخوا په ښکاري ټوپک ویشتل شوی او ساه یې ورکړې ده.
نوموړی وایي، د پیښې علت لا معلوم نه دی او قاتل هم تښتیدلی خو د نیولو هڅې یې روانې دي.