تاند، جمعه، د حمل ۸مه : ټاکل شوې چې سبا شنبه د طالبانو یو ۱۵ کسیز پلاوی له کندهار او نورو ولایتونو څخه کابل ته راشي.
د طالبانو ویاند ذبیح الله مجاهد وايي، دا پلاوی به د طالب بندیانو د تشخیص او تثبیت لپاره له افغان چارواکو سره لیده کاته وکړي.
که څه هم مجاهد د دغه پلاوي د غړو نوم نه اخلي خو وايي، دا پنځلس کسیز پلاوی به د سره صلیب لخوا کابل ته ولېږدول شي.
تر دې وړاندې د طالبانو سیاسي ویاند سهیل شاهین رسنیو ته ویلي وو چې د جمعې په ورځ به یې پلاوی کابل ته ولاړ شي، خو ذبیح الله مجاهد وايي، دا پلاوی د سره صلیب د رخصتۍ له امله سبا ته وځنډېد.
د طالبانو او افغان حکومت د هوکړې له مخې به سل طالبان د مارچ په ۳۱مه د سه شنبې په ورځ د نیک نیت له مخې خوشې شي خو په بدل کې به یې لیدل کېږي چې طالبان تاوتریخوالی کموي که نه؟