تاند- په بدخشان کې چارواکي ادعا کوي چې د جرم ولسوالۍ خلکو د وسله والو طالبانو پرضد پاڅون کړی دی خو طالبان د چارواکو دا ادعا ردوي او وايي چې په جرم ولسوالۍ کې د دوی پرضد د پاڅون اوازې حقیقت نه لري.
د بدخشان د امنیې قومندانۍ د امنیت امر سیدجهانګیرعمرخېل د پنجشنبې په ورځ وویل په لسګونو کسانو نن د جرم په دهنه خستک سیمه کې د طالبانو پر ضد راپاڅیدلي چې په وسلو هم سمبال دي.
ښاغلي عمرخیل وویل، په دهنه خستک سیمه کې د بیروجو یو کان شته چې طالبان ورته د رسیدو په خاطر وخت ناوخته له افغان ځواکونو سره نښتې کوي او د سیمې خلکو ته یې ستونزې پیدا کړي دي.
خو طالبان په یوه خبرپاڼه کې وايي په جرم ولسوالي کې څوک له دولت سره یوځای شوي نه دي.
د طالبانو ویندوی ذبیح الله مجاهد په عین حال کې منلې د عنایت او عباس په نوم «ټوپکمار» او ملګري یې د طالبانو ملګري نه ول.
طالبانو ویلي:« د بدخشان په جرم کې د اربکي سازې د پروسې د يوې برخې په توګه په دا ورستيو کې يوه ډله نامطلوب کسان، په نشو روږدې او د مور او پلار آزاريان سره راټول کړل شوي او اربکیان ترې جوړ شوي چې هغه نن دښمن په مجاهدینو پورې وتړل او د تسلمۍ خبر يي ورکړ، موږ دغه خبره ردوو او د دښمن د ناکامۍ ښکاره بيلګه يې بولو، دښمن د ريښتيا په ميدان کې د پرلپسې ناکاميو او ماتو د جبران لپاره هڅه کوي په دغه ډول دروغو سره ځانوته روحیه ورکړي او مغرض جهتونه هم ورنه تبلیغاتی ماشین چالان وساتي .»
تر دې مخکې هم طالبانو د ځان خلاف پاڅېدلي کسان اربکیان بللي دي. دوی تراوسه پوري د غزني د اندړ ولسوالۍ پاڅونوال اربکیان ګڼي.
تیره اونۍ د پروان چارواکو وویل چې د دې ولایت په سیاګرد ولسوالۍ کې خلکو د طالبانو پر ضد پاڅون کړی دی.
طالب یو پښتون مصیبت او پرضد ېې نامؤفق پاڅون بل خونړی کاروان
پښتون در بدره