تاند- دا ښځه په دوو کلونو کې تر نړۍ له راګرځېدو وروسته د امریکا په ټکساس ایالت کې خپل کور ته نژدې بې درکه شوه.
۳۳ کلنه لین بیرډن د مځکې له کرې تر راګرځېدو وروسته له خپل خاوند او خسرګنۍ سره یوځای شوه خو د روانې جنورۍ په اوولسمه چې د سپورټ لپاره له کوره ووتله، بې درکه شوه.
پولیس وايي چې د بیرډن د کور شاوخوا ۲۳ کیلومتر مربع سیمه یې پلتلې خو د هغې څرګ ورته نه دی لګېدلی.
پولیس وايي، سره له دې چې د بیرډن درک نه لګېږي خو خپلو هلوځلو ته دوام ورکوي.
د اغلې بیرډن ورور ویلي چې پولیسو ته تراوسه داسي کومه نښه په لاس نه ده ورغلې چې وښيي د ده خور چا تښتولې او که کومه بله ټکه پرې لوېدلې ده.