تاند- د پاکستان د حکومت له مرکه چیانو سره د خبرو لپاره د طالبانو استازو نن وویل، په پاکستان کې تر هغو د سولې چانس نشته چې حکومت شرعي قانون نه وي نافذ کړی او د امریکا په مشرۍ نړیوال ځواکونه له افغانستانه وتلي نه وي.
د دوی له سختو شرطونو داسي ښکاري د پاکستان د حکومت او طالبانو ترمنځ سولې ته هیله نه شي کېدای.
د دواړو خواوو ترمنځ د سولې لومړنۍ خبرې د سې شنبې په ورځ هغه مهال ناکامې شوې چې حکومتي پلاوي د طالبانو له لوري له نومول شوې کمېټې سره له خبرو انکار وکړ او ویې ویل، د دې پلاوي د جوړښت په اړه وضاحت غواړي.
ټاکل شوې ده چې د دواړو خواوو پلاوي سبا /پنجشنبه/ یا بل سبا /جمعه/ بیا سره وویني خو د خبرو لپاره دقیق ترتیبات نه دي نیول شوي.
د طالبانو له لوري د نومول شوي پلاوي مشر مولانا سمیع الحق فرانس پریس خبري اژانس ته وویل، په سیمه کې به تر هغو سوله رانه شي چې د پولې پوري غاړه امریکايي پوځیان موجود وي.
د ده خبرې د طالبانو د پلاوي بل غړي مولانا عبدالعزیز تایید کړې او زیاته یې کړه چې د پاکستان حکومت حاضر نه دی چې شرعي نظام پلی شي.
مولانا عبدالعزیز فرانس پریس خبري اژانس ته وویل:«له شرعي قانونه پرته به طالبان د خبرو حتي یو فیصد هم ونه مني. که یې ځیني ډلې وهم مني نورې یې نه مني.»
خو د پاکستان حکومت حاضر نه دی چې د خپل هیواد پر اساسي قانون خبرې وکړي. له همدې کبله د دواړو خواوو په دریځونو کې د توپیر زیاتوالی د دوی د سولې په خبرو کې پرمختګ له شک سره مخامخوي.
مولانا عزیز وویل:«د دوی (طالبانو) اصلي غوښتنه شریعت دی.»
ده همداراز وویل چې د پاکستان ټولې سیکولرې محکمې دې ختمې شي او د هغو پرځای دې شرعي محکمې جوړې شي.
که چیری په پاکستان کی شرعی
نظام حاکم سی نویقن می دی چی
آمریکا کی به هم نافظ کیژی
سلامونه
الله ج دی ټول همداسی په شریعت ټینګ کړی
سره دټولو مولاناوو