دخوست ولايت په يو شمېر ټاکنيزو سايټونو کې د ملي امنيتي ځواکونو د بيدارو او زړورو منسوبينو له خوا يو شمېر داسې کسان لاس په لاس نيولي، چې غوښتل يې د مشخصو نوماندانو په پلوۍ غيرقانوني رايې او جعلي رايې کاروي، همداشان په لسګونو جعلي کارتونه هم نيول شوي، چې ډېر ژر به د ټولو نيول شويو کسانو نومونه او شهرت په ډاګه شي.
دخوست رهبري يووار بيا ټولو پتمنو ولسونو ته ډاډ ورکوي، چې ټول امنيتي او کشفي ځواکونه د منظمو امنيتي پلانونو په اساس ورسپارل شوې دندې په لوړ مرال پرمخ وړي.نو په همدې اساس له ټولو ولسونو غوښتنه کوو، چې د رايو مرکزونو ته په زړورتوب سره ولاړ شي او خپلې رايې په شفاف ډول وکاروي.
په درنښت
دخوست د رهبرۍ له خوا
وخت :٩:٤٥ د وري شپاړسمه