تاند- د زیمبابوې د کرکټ ملي ټیم به نن هڅه وکړي چې له افغانستان څخه دوهمه مسابقه هم وګټي.
زیمبابوې د جمعې په ورځ له افغانستانه لومړنۍ یو ورځینۍ مسابقه په شپږو ویکټونو وګټله.
د جمعې په مسابقه کې سین ویلیمز د زیمبابوې بری تضمین کړ ځکه چې نوموړي په ۶۵ توپونو ۷۰ منډې جوړې کړې.
د زیمبابوې دوو نورو لوبغاړو بریندان ټایلر او سکندر رضا ۴۳ او ۴۲ منډې وکړې.
افغانستان د ۹ لوبغاړو د سوځېدو په بدل کې ۲۲۳ منډې جوړې کړې وې.
ټاکل شوې ده چې افغانستان او زیمبابوې څلور مسابقې وکړي.