ملالې یوسفزۍ د نوبل د سولې جایزه وګټله

تاند- د ماشومانو د حقونو او تعلیم ملاتړې ملالې یوسفزۍ د هند کیلاش ساتیارتي نن /جمعه/ د سولې نړیواله جایزه وګټله.

د ناروې د سولې کمېټې اعلان وکړ چې دا جایزه یې دې دواړو ته د ماشومانو او ځوانانو د ځپلو په وړاندې د مبارزې او د ماشومانو او تعلیم لپاره د هلوځلو په خاطر دوی ته ورکړې ده.

نوبل د سولې نارویژۍ کمیټې نن اعلان وکړ چې سږ کال به دنوبل جایزه سږ کال پښتنې پیغلې ملالې یوسفزۍ او دماشومانو دحقوقو په برخه کې هندي فعال کایلاش ستیارتي ته ورکوي.

د نوبل دکمیټي مشر وویل دغه جایزه دغو دو تنو ته ځکه ورکوي چې دماشومانو دتعلیم او حقوقو په برخه کې فعاله دي .

هغه وویل دغه جایزه په حقیقت کې سرزورو او افراطي ډلو ته یو پیغام دی چې نړۍ به دملالې په شان د خلکو درناوي کوي

له دې مخکې ملالې ته د نورو جایزو ترڅنګ د هالنډ یوه سازمان ” کډز رایټس فاونډېشن ” له لوري ” انټرنېشنل چلډرنز پېس پرایز ” نومي جایزه ورکړله شوه.

وسله والو طالبانو سوات کې د ۲۰۱۲ کال په اکتوبر کې ملاله یوسفزۍ د ښځو لپاره د زده کړو عامولو هڅو له کبله په ډزو وویشتله.

له هغه بریده وروسته لومړی د ملالې درملنه پاکستان کې وشوه او وروسته

ملالۍ یوسفزۍ، چې اوس ۱۷ کلنه ده، ډ ۲۰۱۲ میلادي کال په اکتوبر میاشت کې له ښوونځي څخه کور ته روانه وه چې وسله والو سخت دریځو پرې په سوات کې ډزې وکړې او وروسته د درملنې لپاره بریتانیا ته ولېږدول شوه. د دې تداوي د برمنګم ښار په یوه روغتون کې وشوه او د سږ کال په مارچ کې یې په همدغه ښار کې درس له سره پیل کړ.

ساتیارتي د عدم تشدد د سرلارې مهاتما ګاندي لاروۍ ده. دې د د پیسو د ګټلو لپاره د ماشومانو د استثمارولو پر ضد په مختلفو ډولونو سوله ییز اعتراضونه او مظاهرې تنظیم کړي دي.

له دې مخکې ملالې ته د نورو جایزو ترڅنګ د هالنډ یوه سازمان ” کډز رایټس فاونډېشن ” له لوري ” انټرنېشنل چلډرنز پېس پرایز ” نومي جایزه ورکړله شوه.