تاند- د اسلام اباد د نور خان په هوايي اډه کې د پاکستان د صدراعظم سلاکار او د دغه هیواد د ملي امنیت سلاکار سرتاج عزیز د افغانستان د ولسمشر هرکلی وکړ.
د افغانستان ولسمشر هم د هیڅ بهرني هیواد د مشر د هرکلي لپاره هوايي ډګر ته نه ځي.
ولسمشر غني به د اسلام اباد د سفر په لومړۍ ورځ د پاکستان له ولسمشر ممنون حسین سره او سبا له صدراعظم نواز شریف سره وویني.
دوی به له افغانستانه د ناټو ځواکونو له وتلو وروسته د سیمې پر وضعیت، د افغانستان د سولې په بهیر کې د پاکستان د رول او د دوو هیوادونو د سوداګري اړیکو د پراختیا پر لارو چارو خبرې وکړي.
دواړه خواوو غواړي چې په خپل منځ کې د تجارتي راکړې ورکړې اوسنۍ اندازه، چې په کال کې دوه نیم ملیارد ډالره ده، ۵ ملیارد ډالرو ته زیاته کړي.
پاکستان ته د ولسمشر غني سفر له دې نظره هم زیات مهم ګڼل کېږي چې دا د افغانستان د ولسمشر په توګه د نوموړي له غوره کېدو وروسته پاکستان ته د ده لومړنی سفر دی او پاکستان ځیني داسي نښې ښکاره کړي چې ګنې غواړي چې د افغانستان په اړه په خپل دریځ کې بدلون ته تیار شوی دی.
درنو هيوادوالو؟
داچه زمونږ ريیس جمهور دباندينو ريس جمهورانو دهر کلي دپاره هوائ ډګرته نه ځي امنيتي ستونځی دطرفينو په نظر کي نيسي .
داچه د پاکستان دولت دا عمل انجام کړي دا يو قصدې عکس العمل دی دميلمه درناوي خپل درناوي دي.
(فارسي كى يو متل ده چى وايي:( صاحب خانه سگ مهمان است