تاند- د ملي یووالي د حکومت له جوړېدو نژدې اته میاشتې وروسته د لومړي ځل لپاره د کندهار او هرات دوو مهمو ولایتونو لپاره نوي والیان وټاکل شول.
د سیمه ییزو اورګانونو خپلواکه اداره وايي چې د کرنې پخوانی وزیر محمد اصف رحیمي د هرات او همایون عزیزي د کندهار واليان ګومارل شوي دي.
د سیمه ییزو ��روګانونو خپلواکې ادارې نن وویل چې غلام جیلاني پوپل، چې پخوا د مالیې د وزیر په توګه نومول شوی و، د سیمه ییزو اورګانونو د ادارې رييس غوره شوی دی.
د هرات والي ښاغلی رحیمي
اصف رحیمي، چې د کرزي په حکومت کې یې هم ښه نوم درلود، په کابل پوهنتون کې د انجینرۍ او د متحدو ایالتونو په نبراسکا پوهنتون کې، د عامه ادارې او مدیریت په برخه کې لوړې زده کړې کړې دي.
نوموړي د کلیو د پراختیا او بیا رغونې وزارت د معین او د کرنې او مالدارۍ وزارت د وزیر په توګه دندې ترسره کړې دي.
د کندهار والي ښاغلی عزیزي
د افغانستان د سیمه ییزو اورګانونو د خپلواکې ادارې د راپور پر اساس ډاکټر همایون عزیزی د طب په برخه کې په فرانسه کې لوړې زده کړې کړې دي. نوموړي د هرات د ولایتي شورا رییس او په پارلماني چارو کې د دولت د وزیر په توګه دندې ترسره کړې دي.
عزیزي په ۱۳۵۳ لمریز کال په هرات کې زېږېدلی، لېسه یې په کابل کې لوستې ده. ده په هرات کې د سوځېدلیو ناروغانو د جراح ډاکتر په توګه کار کړی دی. نوموړی ادعا کوي چې د فرانسوي، انګلیسي او دري ژبو ترڅنګ یې پښتو هم زده ده.
د سیمه ییزو اورګانونو د خپلواکې ادارې رييس غلام جیلاني پوپل
ښاغلی پوپل د کابل ولایت د قره باغ ولسوالۍ اوسېدونکی دی. ده په پاکستان کې د مهاجرت په کلونو کې له کډوالو سره د مرستې په یوه پروګرام او دغه راز ملګروملتو کې کار کړی دی. خو هیواد ته له راستنېدو وروسته د مالیې د وزارت معین ټاکل شوی، ورپسې د سیمه ییزو اورګانونو د خپلواکې ادارې رييس شوی خو په ۱۳۸۸ لمریز کال یې د دې ادارې له ریاسته اسعفا ورکړه.
ولسمشر غني ولسي جرګې ته د خپلې کابینې په لومړني لیست کې ښاغلی پوپل د مالیې د وزیر په توګه نومولی و خو لازمې رایې یې ترلاسه نه کړای شوې.
د سیمه ییزو اورګانونو خپلواکه اداره د یوه مهم وزارت په شان له واک او اهمیته برخمنه ده.
جيلانی پو پل مخکی له دی چه پارلمان ته وړاندی شی د خپلی نو ماندۍ څخه منصرف شو
Popal sahib Parliment ta hes laar na lotfan khabar eslah karee, makhke da de na che Parliman ta marifi she, estifa ye wakra.
manana.
پوپل صاحب سره می په یوه اداره کی کار کړی واقعا چی پاک نفسه او وړ شخصیت دی دنوموړی د لا بریاو په هیله