ناروې مېشتو اففانانو ته یو زیری

د ناروې د پوهنې رېاست د ګڼو نویو او په زړه پوري لوست توکو په چاپولو سره هڅه کړې د کوچنېانو د کتاب لوستنې د سویې له لوړولو او په هغوی کې د کتابلوستنې د لېوالتېا له زېاتولو سره مرسته وکړي . په دې لړ کې دوی د کتاببس (کتابګاډی) د کتابونو د لړی په دوام کې خپل کتابونه ګڼو نورو ژبو ته هم ژباړلي دي تر څو هغه کوچنېان چې مورنۍ ژبه یې ناروېجي نه وي، د دې په زړه پورې کتابونو له لوستلو بې برخې پاتې نه شي.

په نیژدې راتلونکې کې به ناروې مېشتي پښتانه کوچنېان هم دغو کتابونو ته لاسرسی پيدا کړي دغه کتابونه ښاغلي منصور حبیب خیل پښتو ته ژباړلي دي چې په نژدي راتلونکي کې به یې د زېار غوټۍ ګل وکړي او زمونږ خواږه کوچنېان به یې هم له خوشبویي نه مستفید شي. ښاغلی منصور حبیبخېل وايي چې ده ۴۸ ټوکه کتابونه پښتو ته ژباړلي .

هغه وايي ورو ورو به دې ته هم لاره هواره شي چې د کوچنېانو ادبېاتو ته لېواله لوستونکي د یو (آپ) په بڼه دغو کتابونو ته لاسرسی پیدا کړي چې د اوس لپاره یې یوازي د آیپل په محصولاتو کې ښکته کول شوني دي.

د ناروې د پوهنې رېاست کوچنېانو ته د باکیفیته لوست توکو د وړاندي کولو په دې هڅه کې په دې بریالي شوي چې دې کتابونو ته داسي انځوریزه ښکلا ورکړي چې د یو ماشوم لېوالتېا په آسانه راوپاروي. دوی یو ګام وړاندي، همدا کتابونه په صوتي بڼه هم خپاره کړي دي. طبیعي ده چې دا ډول بنسټیز ګامونه به د ماشومانو په روزنیزه او ښوونیزه وده کې رغنده رول ولري او په ماشوم کې د باکیفیته پوهې په لوړو کې خوراغېزمن تمامېږي او د پوهنې د سکتور اړتېاوي به ورپوره او د پوهنیز بهیر د ستنو د پېاوړتېا سبب به وګرځي.

ستاسو د ماشومانو په کتابتونونو کې د داسي زړه راکښوونکو، باکیفیته او مډرنه تدریسي توکو زېاتوالی به نه یوازي د هغوی د پوهې په زېاتونه کې ګټور تمام شي بلکه د دوی نوښت ته به هم نوي وزرونه ورکړي. هیله ده چې ناروې مېشتي افغانان به زمونږ د هڅاندو ژباړونکو زېار او د خپل اولاد روښانه راتلونکي ته په پام سره خپل اولادونه له دې توکو نه بې برخې کوي.

www.gan.aschehoug.no/Bokbussen