کونړوالي :
په ختیځ کې دیونما(UNAMA) دفترمسؤلې هیرن سانګ او د دغې ادارې د بيلابیلوڅانګومسؤلینو د کونړوالي وحیدالله کلیمزي سره لیدنه وکړه .
یاده ناسته چې د ولایت مقام په دفتر کې ترسره شوه په کې د یونما ، یواین ایچ سی ار او نورو مرستندویه ادارو استازو د کونړوالي سره د خلکوپه غوښتنو،اساسي لومړیتوبونو، د ولایت عمومي حالت اوسولې پروسی باندی خبرې وکړې .
دکونړوالي د راغلي پلاوي سره د خپل پلانونو شریکولو ترڅنګ وویل چې د نړیوالې ټولنې د همکارۍ په اساس اومرکزي حکومت دلارښونې اوتګ لارې سره سم به دکونړولسونوته خدمت وکړي ، ښاغلي کلیمزي د طبیعي او غیر طبیعي پيښو له امله زیانمن شوو کورنیو سره د مرستې او د سیلابونو او ږلیو له امله د له منځه تللي زراعتي ځمکو ، فصلونو ،سربندونو او ویالو رغوولو په برخه کې د راغلي پلاوي څخه د نړیوالې ټولنې دتوجه راجلبولو غوښته وکړه .
د راغلي پلاوي له خوا دکونړوالي ته د هراړخیزه همکارۍ ډاډ ورکړل شواوژمنه یې وکړه چې دغه ولایت ته به دنړیوالې ټولنې دتوجه په جلبولوکې خپل هڅې لا ګړندۍ کړي .