تاند- له کاپیسا څخه د رارسېدلیو راپورونو له مخې د یوه ماین د چاودنې له کبله په دغه ولایت کې لږترلږه ۱۰ تنه ملکیان وژل شوي دي.
د کاپیسا امنیه قومندان جنرال عبدالکریم فایق نن /یکشنبه/ وویل په دې پېښه کې اووه تنه نور ژوبل شوي دي.
د فایق په وینا پېښه هغه مهال په تګاب ولسوالۍ کې وشوه چې د ملکیانو د سپرلۍ موټر پر یوه تازه خښ شوي ماین وخوت.
تګاب د کاپیسا یوه تر ټولو ناامنه ولسوالي ده.
تراوسه پوري کومې ډلې د ماین خښولو مسوولیت په غاړه نه دی اخیستی خو د سیمې اوسېدونکي او امنیتي چارواکي وايي چې دا ماین طالبانو ایښی و.
وسله وال طالبان په لارو کې د دولتي ځواکونو لپاره مایونه ږدي خو عموماً ملکي وکړي د دوی د ماینونو قرباني کېږي.