تاند- د لوګر د ولایتي چارواکو په وینا نن په دغه ولایت کې په یوه موټر بمي چاودنه کې ۸ تنه ووژل شول او ۱۲ نور ژوبل شول.
د لوګر د والي ویندوی دین محمد دروېش وویل، له چاودېدونکو موادو بار شوی موټر وویل چې یوې دولتي ودانۍ ته نژدې په دې چاودنه کې درې پولیس او ۵ ملکیان ووژل شول.
د دروېش په وینا په ټپیانو کې ۵ پولیس شامل دي.
د پېښې شاهدان هم وايي چې اکثره مرګ ژوبله عامو خلکو ته اوښتې ده.
وسله والو طالبانو د دې حملې مسوولیت منلی او ویلي یې دي چې د دوی د برید هدف د اردو او سیمه ییزو پولیسو ځواکونه ول.
د طالبانو په بریدونو کې عموماُ عام خلک وژل کېږي.
د ملګرو ملتونو د يوه تازه راپور له مخې د ٢٠١٥م کال په لومړۍ نيمايي کې په افغانستان کې ملکي تلفات د تېر ميلادي کال د همدې مودې په پرتله زيات وو.
د راپور له مخې په دې موده کې ٤٩٢١ تنه ملکيان وژل شول، ١٥٩٢ تنه ټپيان شوي دي، چې د تېر ميلادي کال د همدې مودې په پرتله يوفيصد زياتوالى ښيي.
راپور وايي چې د شخړو زيات زيان ښځو او ماشومانو ته اوښتى، چې د ښځو تلفات ٢٣ فيصده او د ماشومانو تلفات ١٣ زيات شوي دي.
د ملګروملتو په وینا په سلو کې ۷۰ ملکیان د طالبانو په بمي، انتحاري او نورو حملو کې وژل شوي دي.